Sekretari i Përgjithshëm i Partisë Socialiste Taulat Balla, në një konferencë për mediat ka vënë edhe një herë në qendër të vëmendjes atë që ai e quan një prej dosjeve më të zeza të korrupsionit, konkretisht dosjen CEZ.
Sipas tij ajo është çështja më e madhe e korrupsionit në këto 30 vite, ku akuzohet kryeministri i asaj kohe Sali Berisha për privatizimin OSSH me një kompani private çeke CEZ në vitin 2009. Ai shprehet se privatizimi ishte fiktiv, me fitues të paracaktuar dhe me favorizime që vazhduan edhe pas marrjes së kompanisë nga çekët duke i shkaktuar dëm popullit shqiptar prej 414 milionë Euro.
“Dosja CEZ është një nga dosjet më të mëdha të korrupsionit në Shqipëri në këto 30 vite. Do doja t’i ftoja këdo që ka pak njohuri juridike ta lexojë me vëmendje vendimin e Gjykatës. Gjykata mund të ketë bërë një shpjegim të termave po nuk ka analizuar faktet. Gjyqtari ka shpjeguar se çfarë nënkuptojnë termat por nuk është bazuar në fakte.
Privatizim i OSSH që ka qenë objekt i Komisionit Hetimor është bërë në shkele të ligjit. Që prej 2005 kemi identifikuar të gjitha hapat, që kjo kompani të shkonte te ky blerës, dhe në tenderin ndërkombëtar ka qenë vetëm ky blerës i paraqitur. Është kualifikuar CEZ në performancë të kushteve minimale. Asnjë prej kërkesave që ofronte për tu blerë OSSH nuk ka plotësuar CEZ për të privatizuar OSSH. Kjo i ka kushtuar 57 miliard lek ose 414 milionë Eruo shtetit shqiptar.”, është shprehur Balla./Fjala.al
