Koronavirusi/ Vdekja e mjekut sjell shpërthim revolte, të “mbytet” censura

113 563 lexime

124,178FansaPëlqeje

Li Wenliang është mjeku nga Kina i cili vdiq si pasojë e koronavirusit, ndërkohë që mjekonte pacientët e prekur në qytetin Wuhan.

Dhjetorin e kaluar ai bëri një njoftim të rëndësishëm ku paralajmëronte kolegët e tij që të tregoheshin të kujdesshëm pasi kishte konstatuar një virus vdekjeprurës.

Në momentin që mjeku bëri këtë konstatim ai u vu nën hetim nga policia për shpërndarje të komenteve false.

Lajmi për vdekjen e tij, ka sjellë reagime të forta në median sociale kineze Weibo. Çka shumë shpejt u kthye në revoltë dhe akuza ndaj qeverisë, e cila u përpoq ta mbante të fshehtë epideminë.

Po ashtu, kjo vdekje risolli edhe një herë në fokus, mungesën e lirisë së shprehjes në Kinë.

Sipas një raportimi të BBC, struktura anti-korrupsion në Kinë ka hapur hetime për çështjen e Dr. Li.

Qeveria kineze më përpara e ka pranuar disi se ka pasur ngadalësi në reagimin ndaj virusit, që ka vrarë deri tani 636 persona dhe ka prekur mbi 31 mijë vetë.

Media sociale në Kinë ka shpërthyer me zemërim, dhe nuk ka patur vitet e fundit një rast të ngjashëm të kësaj revolte kundër qeverisë. Hashtaget kryesore që po përdoren, janë që “Qeveria i detyrohet një ndjesë Dr.Li”, dhe “Duam lirinë e shprehjes”.

Mirëpo censura është në veprim. Kur BBC kërkoi në rrjetin social Weibo, doli se dhjetra mijë komente ishin fshirë. “Kjo nuk ishte vdekja e një denoncuesi, por vdekja e një heroi”, thotë një komentues.

Tashmë, shumë vetë po përdorin hashtage të tipit; “A e kupton”, duke ju referuar pikërisht letrës që Dr.Li, u detyrua të firmoste nga policia, teksa u akuzua për shqetësim të rendit social.

Lexo edhe :  ‘Merkato’ e sezonit, Prada do të blejë shtëpinë e modës Versace për 1.25 miliardë euro

“Mos harro si ndihesh tani, mos harro këtë revoltë, s’duhet të lejojmë të ndodhë prapë”, shkruajnë komentuesit.

“E vërteta do të trajtohet gjithnjë si thashethem. Edhe sa do të vazhdosh të gënjesh, çfarë tjetër ke për të fshehur”, janë të tjera shprehje të revoltës.

Po ashtu, komentuesit u bëjnë thirrje të rinjve që të reagojnë, pasi ndryshim I madh pritet të ndodhë në Kinë.

Të fundit

Pasi finalizoi divorcin nga Ben Affleck, J Lo blen rezidencën 18 milionë dollarë

Pasi finalizoi divorcin e saj me aktorin Ben Affleck, Jennifer Lopez thuhet se bleu një shtëpi të re prej...

Gara për 11 Majin, Rama: Luli është fenomen, Berisha në hall

Edi Rama, kryetari i Partisë Socialiste dhe kryeministri i vendit, në një intervistë për Top Channel, me gazetarin Muhamed Veliu foli për dy kundërshtarët...

Sa ka ndikuar arrestimi i Veliajt në fushatën elektorale në Tiranë? Ja si përgjigjet Rama

Edi Rama, në prag të çeljes së fushatës së PS për zgjedhjet e 11 majit, ka dhënë një interviste ekskluzive për Top Channel, i...

Polonia përpara stuhisë: Tension në Varshavë

Nga Monada Myshketa – Strasburg Delegacioni i Këshillit të Europës nis misionin parazgjedhor mes pasigurive politike dhe klimës së polarizuar në prag të zgjedhjeve presidenciale...

Trump fillon ‘prerjet e kokave’, shkarkohet nga detyra shefja e bazës amerikane

Shefja e bazës amerikane në Grenlandë është shkarkuar pas vizitës së zv.presidentit JD Vance. Shefja e bazës ushtarake amerikane që u vizitua nga zëvendëspresidenti JD...

Lajme të tjera

Web TV