Ministria e Shtetit për Rindërtimin kërkon të punësojnë jurist, inxhinierë, arkitet, ekonomistë dhe IT. Janë në total 20 vende të lira punë në nivelin specialistë. Për tu bërë pjesë e ministrisë së Arben Ahmetajt duhet të aplikoni duke dërguar listën e dokumentacionit të kërkuar në adresën e e-mailit: Sekretariati.Rindertimi@kryeministria.al., brenda datës 13 Shkurt 2020. Sipas njoftimit zyrtar kandidatët do të vlerësohen për përvojën, trajnimet apo kualifikimet e lidhura me fushën, si dhe për vlerësimet e rezultateve individuale në punë.
Ministria e Shtetit për Rindërtim ka shpallur thirrjen për 20 vende të reja vakante pune ku kërkohen specialistë nga fusha të ndryshme. Numri total i vendeve vakante është 20(njëzet) dhe fushat nga të cilat kërkohen specialistët janë:
Specialist/Jurist (4 vende)
Specialist/Inxhinier( 7 vende)
Specialist/Arkitekt (3 vende)
Specialist/Ekonomist( 2 vende)
Specialist/ IT (3 vende )
Specialist/ GIS (1vend )
Sipas njoftimit zyrtar kandidatët do të vlerësohen për përvojën, trajnimet apo kualifikimet e lidhura me fushën, si dhe për vlerësimet e rezultateve individuale në punë.
Totali i pikëve për këtë vlerësim është 60 pikë.
Kandidatët gjatë intervistës së strukturuar me gojë do të vlerësohen në lidhje me:
a – Njohuritë, aftësitë, kompetencën në lidhje me pozicionin e punës;
b – Eksperiencën e tyre të mëparshme;
c – Motivimin, aspiratat dhe pritshmëritë e tyre për karrierën.
Totali i pikëve për këtë vlerësim është 40 pikë.
Të gjithë kandidatët pjesëmarrës në këtë procedurë do të njoftohen individualisht në mënyrë elektronike për rezultatet (nëpërmjet adresës së e-mail).
Ku dorëzohet aplikimi?
Aplikimi bëhet duke dërguar listën e dokumentacionit të kërkuar në adresën e e-mailit: Sekretariati.Rindertimi@kryeministria.al., brenda datës 13 Shkurt 2020.
E-maili duhet të mbajë titullin: Aplikim pune për pozicionin (titulli i pozicionit sipas përshkrimit në njoftim)
Cilat janë dokumentet e nevojshme për aplikim?
a – Jetëshkrim i plotësuar në përputhje me dokumentin tip që e gjeni në linkun: http://ëëë.dap.gov.al/legjislacioni/udhezime-manuale/60-jeteshkrimi-standard
b – Fotokopje të diplomës (përfshirë edhe diplomën Bachelor). Për diplomat e marra jashtë Republikës së Shqipërisë të përcillet njehsimi nga Ministria e Arsimit dhe e Sportit dhe listën e notave.
c – Fotokopje të librezës së punës (të gjitha faqet që vërtetojnë eksperiencën në punë);
d – Fotokopje të letërnjoftimit (ID);
e – Vërtetim të gjendjes shëndetësore;
f – Vetëdeklarim të gjendjes gjyqësore;
g – Çdo dokumentacion tjetër që vërteton mesataren e ponderuar të diplomës (listë notash, vërtetim nga fakulteti), trajnimet, kualifikimet, arsimin shtesë, vlerësimet pozitive apo të tjera të përmendura në jetëshkrimin tuaj;
Cilat janë hapat që ndiqen nga aplikimi deri në fillimin e punës?
Brenda 5 ditëve nga mbyllja e afatit të aplikimit, kandidatët që plotësojnë kriteret e përcaktuara në dokumentin e Përshkrimit të Pozicionit të Punës, do të ftohen për intervistë.
Brenda 5 ditëve nga zhvillimi i intervistës kandidatët e intervistuar do të njoftohen për vlerësimin e komisionit.
Kandidati i përzgjedhur do të ftohet për lidhjen e kontratës dhe dorëzimin e dokumenteve të dosjes së noterizuara.
