Një ushtar tajlandez vrau të paktën 14 persona dhe sulmin e shfaqi të gjithin drejtpërdrejt në Facebook. Jakapanth Thomma si fillim sulmoi 2 ushtarë duke i vrarë dhe më pas u largua me një xhip ku filloi të hapte zjarr edhe ndaj civilëve, ndërkohë që çdo gjë po e filmonte live.
Ai vuri një sasi shpërthyese para një qendre tregtare përpara se të qëllonte me armë. Pasi i vuri flakën qendrës tregtare ai u ndal që të bënte selfie.
Gjatë largimit nga qendra, ai ka vazhduar të qëllonte me armë, ndërsa thuhet se ka shtënë edhe në një tempull budist.
Ndërkohë në video duken njerëzit që largohen të tmerruar dhe në sfond dëgjohen të shtëna me armë.
Përveç viktimave ka edhe shumë të plagosur në format më të ndryshme./Fjala.al
