Gati 1 miliard euro rezultoi fatura financiare për rindërtimin pas tërmetit shkatërrues të 26 nëntorit që goditi vendin. Në kuadër të konferencës së donatorëve në Bruksel, që zhvillohet këtë muaj, kryeministri Edi Rama ka udhëtuar drejt Emirateve të Bashkuara Arabe.
Rama është takuar në Abu Dhabi me Princin e Kurorës Mohamed Bin Zayed Al Nahyan, me të cilin ka biseduar për projektin e rindërtimit.
“Abu Dhabi, Emiratet e Bashkuara Arabe – Me Princin e Kurorës Sheikh Mohamed Bin Zayed Al Nahyan, enkas për Rindërtimin e Konferencën Donatorëve në Bruksel”, shkruan shkurtimisht kryeministri në ‘Facebook’ teksa publikon edhe një video nga takimi.
Gjermania dhe Franca kanë premtuar gjithashtu mbështetje për Shqipërinë në konferencën e donatorëve.
