Dy trupa amerikane u vranë dhe gjashtë të tjerë u plagosën gjatë një sulmi të shtunën në provincën Nangarhar, Afganistan.
Forcat amerikane dhe afgane po kryenin një operacion të përbashkët kur një person i veshur me një uniformë afgane hapi zjarr ndaj tyre me mitraloz, tha koloneli Sonny Leggett, zëdhënës i forcave amerikane në Afganistan.
“Ne ende po mbledhim informacione dhe shkaku ose motivi i sulmit është ende i panjohur në këtë kohë”, ka thënë Leggett në një deklaratë. “Incidenti është nën hetim”.
Emrat e ushtarëve që kanë humbur jetën nuk do të publikohen deri në 24 orë pasi familjarët e tyre të jenë njoftuar.
Ministria e Mbrojtjes së Afganistanit tha se një delegacion ‘i nivelit të lartë’ po heton incidentin. Ata shtuan se sulmet e tilla nuk do të prishin miqësinë dhe bashkëpunimin midis forcave afgane dhe ato amerikane./Fjala.al
