Vladimir Gjuta alarmoi mëngjesin e sotmë autoritetet kur u shfaq i armatosur në afërsi të selisë së Partisë Socialiste në kryeqytet. Menjëherë ai u ndalua nga Garda e Republikës, pasi brenda selisë rozë zhvillohej mbledhja e Kryesisë dhe i pranishëm ishte edhe kryeministri Edi Rama.
Pas shoqërimit, Gjuta deklaroi se ndodhej në zonë për të kryer një transaksion financiar, ndërkohë që iu gjetën 120 mijë euro në çantë. Ai tha se pistolentën e mbante për shkak të shumës së madhe të parave.
Por kush është Vladimir Gjuta?
Gjuta u lirua para 5 ditësh nga paraburgimi pasi akuzohej se kishte rrahur me çekiç kushëririn e tij.
Gjuta e ka rrahur paq kushëririn pasi viktimës i janë thyer disa dhëmbë dhe ka dëmtuar njërin sy. I dhunuari e denoncoi Gjutën në Polici, pas goditjes që mori prej tij me çekiç. Ndërsa shkaqet vijojnë të mbeten mister. Por, më pas i dhunuari është tërhequr nga denoncimi dhe Gjuta u la i lirë.
Vladimir Gjuta është një person shumë i njohur për drejtësinë, teksa ai ishte njeriu që u akuzua për vendosje tritoli në farmacinë e babait të Saimir Tahirit, në vitin 2015, kohë kur vetë Tahiri ishte ministër i Brendshëm.
Në atë periudhë ai tentoi të largohej drejt Kosovës i maskuar me një paruke në kokë, por pas një kontrolli nga ana e Policisë në makinën e tij, ai ra në pranga. Për këtë ngjarje u arrestua dhe Ernest Gjuta dhe Baftjar Bruka.
Megjithatë, ai do të lirohej në vitin 2016, dhe pas lirimit ai u arrestua sërish pasi akuzohej për dhunë fizike ndaj babait të tij.
Del video/ Rama merr makinën e blinduar pasi Gjuta u arrestua me armë
