Stuhia ‘Kiara’ e cila ishte parashikuar më parë nga sinoptikanët , ka shkaktuar dëme të mëdha. Qytete të shumta janë përmbytur, ndërkohë që barrierat e vendosura që kanë shkaktuar miliona paund nuk kanë mundur të mbrojnë qytetet nga përmbytja.
Fotografitë e tmerrshme tregojnë se infrastruktura kundër përmbytjes dështoi në mënyrë të mjerueshme duke lënë banorët dhe tregtarët nën ujë.
Rrugë të ndryshme janë shndërruar në kanale.
Shërbimet e Zjarrfikës dhe Shpëtimit të West Yorkshire thanë se u thirrën në 170 incidente, ata kryen 50 shpëtime dhe pati 765 thirrje emergjente ditën e dielë.
Ata paralajmëruan: “Ju lutemi kontrolloni rrezikun tuaj lokal nga përmbytja, asnjëherë mos lëvizni gjatë përmbytjeve dhe merrni masa për të qëndruar të sigurtë.”
Pasagjerët që presin të udhëtojnë me tren janë paralajmëruar të kontrollojnë për anulimet para se të nisen pasi dëmtimi nga stuhia e së dielës ka të ngjarë të rezultojë në anulime të udhëtimeve për shkak të pemëve të dëmtuara nëpër shinat e hekurudhës.
Ndërkohë kjo stuhi ka shënuar dhe viktimën e parë, pasi një pemë u rrëzua duke vrarë një shofer 58-vjeçar i cili po udhëtonte më një makinë të tipit “Mercedes”.
Një burrë 58-vjeçar po udhëtonte nga Winchester për në shtëpinë e tij në Micheldever të dielën, Hampshire, kur pema e shkulur e zuri poshtë.
Aksidenti ndodhi në ora 4 pasdite kur shpejtësia e erës në zonë besohej të ishte më e madhe se 60 km / orë.
Rruga ishte e mbyllur për orë të tëra dhe shërbimet e urgjencës konfirmuan njeriun e vdekur në vendngjarje./Fjala.al/Përshtati:Kamela Liko/Burimi: The Mirror
