Kryetari i Parlamentit të Kuvajtit, Marzouq Al-Ghanim, hodhi të shtunën në mbeturina një kopje të “Marrëveshjes së Shekullit”, midis SHBA dhe Lindjes së Mesme.
Ai tha se “lindi e vdekur” dhe “duhet të hidhet në koshin e historisë”.
Gjatë konferencës emergjente të Unionit Parlamentar Arab i cili u mbajt në kryeqytetin jordanez, Aman, Al-Ghaman hodhi në kosh marrëveshjen dhe shtoi:
“Në emër të popujve arabë dhe islamikë dhe njerëzve të ndershëm të botës, unë them se këto dokumente të të ashtuquajturës ‘Marrëveshje të Shekulli’ duhet të hidhet në koshin e historisë”.
“’Marrëveshja e Shekullit’ ka lindur e vdekur, dhe njëmijë administrata dhe njëmijë institucione propagande dhe reklamimi do të jenë të padobishme në promovimin e saj”.
“Kushdo që dëshiron të promovojë një zgjidhje paqësore duhet të punojë për të krijuar kushte të shëndetshme, të barabarta dhe të drejta për negociata në ndjekjen e një paqeje të vërtetë që përfundon me një shtet palestinez me të drejta të plota në të gjithë territoret palestineze, me Jerusalemin si kryeqytetin e tij”.
Kujtojmë se presidenti amerikan, Donald Trump ditë më parë prezantoi këtë marrëveshje të cilën e quajti ‘Plani i Paqjes me Lindjen e Mesme’./Fjala.al
