Trajneri i skuadrës së Hertha Berlin, legjenda e gjallë e futbollit Jurgen Klinsmann ka vendos të mos jetë më në krye të klubit gjerman.
Rezultati zhgënjyes në përballjen me Mainz, ku Hertha Berlin humbi me rezultatin 1-3 duket se ka qenë vendimtar që Klinsmann të largohet nga stoli.
Me anë të një postimi në faqen e tij në “Facebook”, pak minuta më parë ai ka bërë me dije se do të japë dorëheqjen si dhe ka theksuar se gjithmonë ka pasur besimin dhe mbështetjen e drejtuesve të klubit.
Gjermani nuk do të jetë më në krye të stolit megjithatë ai do jetë pjesë e klubit, pasi do bëhet anëtar i bordit drejtues.
Jurgen Klinsman qëndroi si trajner tek Hertha për vetëm 10 javë./Fjala.al/
