Menaxheri i kapitenit të kombëtares shqiptare, Elseid Hysajt, Mario Giuffredi ka thënë se e ardhmja e shqiptarit do jetë larg Napolit.
Ndonëse, kohët e fundit trajneri Gattuso i ka dhënë goxha minutazh në dispozicion mbrojtësit.
“Kemi folur për këtë dhe Napoli e di situatën e tij. Do të presim përgjigjet dhe kur t’i marrim do ta shohim çfarë do të ndodhë. Ekziston dëshira për zgjatjen e kontratës dhe për shitjen e tij në verë. Nuk i dua më dy lojtarë të mi në të njëjtin rol”-ka thënë Giuffredi.
26-vjeçari ka luajtur në 11 ndeshje të Serisë A në këtë sezon dhe dy të tjera në Kupën e Italisë. Gjatë verës për shqiptarin pati interes konkret nga Atletico Madridi dhe Roma./Fjala.al/
