Ministri i Brendshëm Sandër Lleshaj i thirrur në një interpelancë nga deputetë të opozitës së re, theksoi sot në Kuvend se Shqipëria aktualisht ka rendin dhe sigurinë më të mirë në 10 vitet e fundit.
Sipas Lleshajt, gjendja e rendit dhe sigurisë është “në parametrat më të mirë historikë, duke nisur që nga aksidentet rrugore, trafiqet e drogës, kriminaliteti i rrugës. Mesatarja e vrasjeve e 10 viteve të fundit është 85. Sot jemi me 30 më pak se mesatarja e 10 viteve të fundit.”
“Vendi ka sot rendin më të mirë të sigurisë. Nuk ka një gjendje të rëndë të rendit dhe sigurisë publike. Pse thoni që ka një gjendje të rëndë? Gjendja e sigurisë dhe e rendit është në parametrat më të mirë historikë, duke nisur që nga aksidentet rrugore, trafiqet e drogës, kriminaliteti i rrugës. Mesatarja e vrasjeve e 10 viteve të fundit është 85. Sot jemi me 30 më pak se mesatarja e 10 viteve të fundit. Janë parametrat më të mirë historikë. Nëse doni tregues të tjerë, për përmirësimin e parametrave të sigurisë në vend. Rendi i përmirësuar në Shqipëri nga qytetarët, dhe më pas nga masat e marra nga qeveria, po ashtu edhe nga institucionet ligj-zbatuese si policia e shtetit që mban peshën kryesore në vend”, u shpreh Lleshaj në Kuvend.
