Një burrë është akuzuar për mbajtjen e një gruaje rob në një apartament si skllave seksi për 31 vjet gjatë një fushate abuzimi në Venezuela.
Matias Salazar, 56 vjeç, akuzohet për dhunë seksuale, skllavëri seksuale dhe dhunë psikologjike ndaj gruas 49-vjeçare.
Prokurorët pretendojnë se ai “manipuloi dhe mashtroi” gruan ndërsa ajo ishte ende adoleshente në mënyrë që ajo të largohej nga shtëpia e saj.
Gruaja raportohet se kaloi tre dekada në errësirë pasi nuk ishte në gjendje të shikonte nga dritarja dhe kaloi kohën e saj duke dëgjuar radio dhe duke shikuar televizion, sipas faqes së internetit të lajmeve Venezuelane “Cronica Uno”.
Ajo dyshohet se më në fund arriti të shpëtonte nga banesa në 24 Janar pasi Z. Salazar la një palë çelësash dhe kërkoi ndihmë në një degë e agjensisë shtetërore për mbrojtjen e grave.
Z. Salazar u arrestua më vonë në qytetin Maracay, afër kryeqytetit të Caracas, dhe vazhdon të mbahet në paraburgim në një stacion policie./Fjala.al/Burimi:The Indipendent
