Një djalë 7-vjeçar nga Alaska, i cili u zhduk me kushërinjt e tij pas një stuhie me borë tha se kishin arritur të mbijetonin duke gërmuar një gropë për të fjetur.
Ethan Camille, 7 vjeç dhe kushërinjtë e tij, Christopher Johnson, 14 vjeç; Frank Johnson, 8 vjeç; dhe Trey Camille, 2 vjeç, u zhdukën javën e kaluar gjatë një udhëtimi me makinë bore në Alaskën rurale. Ata e kaluan natën së bashku para se të shpëtoheshin ditën tjetër, rreth 20 milje larg vendit ku humbën kontaktet me familjen.
Nga shtrati i tij në spitalin Qendror në Alaskë, Ethan rrëfeu se si ai dhe kushërinjtë e tij u përpoqën të mbijetojnë. Nëna e Ethan tha se përqendrimi i djemve ishte të mbronin Trey, fëmijën më të vogël.
“Së pari, ne po mundoheshim të gjenim një rrugë për në shtëpi, por nga i ftohti nuk mundëm të ecnim shumë “ i tha Ethan për CNN.
“Ne po mundoheshim të gërmonim një vrimë” në mënyrë që ata të flinin atje, tha ai nga spitali, ku po mjekohet për plagët në gishta. Burimi:CNN / Përshtati: Fjala.al
