Propozimet për martesë është një nga momentet që njerëzit e mbajnë mend për gjithë jetën. Një burrë gjerman ka gjetur një mënyrë shumë origjinale për t’i propozuar së dashurës. Propozimi u shfaq në një pamje ajrore të përdorur nga Google Maps.
Agjensia gjermane e lajmeve DPA raportoi të Mërkurën se fermeri 32-vjeçar me kohë të pjesshme Steen Schëarz përdori një makinë për të mbjellë një arë misri në atë mënyrë që boshllëqet të formonin fjalët “A dëshiron të martohesh me mua?”
Schwarz thotë se ai e la të dashurën e tij të fluturonte me një dron mbi fushë majin e kaluar në Huettenberg, në Gjermaninë qendrore, duke zbuluar mesazhin romantik. Ajo tha po.
Ai tha për DPA se nuk e kishte menduar ose pritur që imazhi të shfaqej në shërbimin e hartave popullore të Google, deri sa një hallë që ka në Kanada ia dërgoi foton. Kjo fotografi u shpërnda me shpejtësi në mediat sociale dhe komentet ishin të panumërta. Disa ishin të inatosur nga ky propozim i pazakontë, të tjerët e morën me të qeshur.
