Një efektiv FNSH-së ka humbur kontrollin e motorit të tij si pasojë e gjendjes së dehur duke përfunduar në oborrin e një shtëpie në Fier.
41-vjeçari, Paulin Shpani, pasi ka hyrë në oborr është konfliktuar me pronarin e shtëpisë, Soni Meço, duke e plagosur në gishtin e dorës. Ky i fundit ndodhet jashtë rrezikut për jetën. Ndërsa policia ka nisur hetimet për zbardhjen e plotë të ngjarjes.
Njoftimi i policisë: Në orët e para të mëngjesit të sotëm, shtetasi P. Sh, 41 vjeç, banues në Tiranë, me detyrë punonjës policie në repartin e FNSH Fier, duke drejtuar në gjendje të dehur automjetin tip “Benz”, në lagjen “Sheq i Madh”, ka humbur kontrollin, ka dalë nga rruga dhe është futur në oborrin e banesës së shtetasit S.M, 70 vjeç.
Pasi është konfliktuar me pronarin e shtëpisë, ka nxjerrë armën dhe e ka plagosur në gishtin e dorës shtetasin S.M, i cili është jashtë rrezikut për jetën. Është shoqëruar në Drejtorinë Vendore të Policisë Fier shtetasi P.Sh dhe po kryhen nga SHÇBA veprimet procedurale dhe hetimore për zbardhjen e plotë të ngjarjes.
