Shtetet e Bashkuara të Amerikës do të mbështesin rindërtimin e Shqipërisë pas tërmetit të 26 nëntorit ku humbën jetën 51 persona dhe mbetën të pastrehë mbi 11 mijë banorë në Durrës, Krujë e Tiranë. Ministri i Shtetit për Rindërtimin priti sot në zyrën e tij Ambasadoren e Shteteve të Bashkuara të Amerikës Znj. Yuri Kim. Lajmi është bërë i ditur përmes një postimi në rrjetet sociale nga vetë ministri Arben Ahmetaj, ku ka shprehur edhe mirënjohjen për mbështetjen e SHBA-ve.
“Mirënjohje për mbështetjen e përhershme të SHBA-ve ndaj Shqipërisë dhe një falenderim i posaçëm për ndihmën e menjëhershme pas tërmetit të 26 Nëntorit dhe kontributit që do të vijojë, në favor të përpjekjeve tona për Rindërtim!”-shkruan Ahmetaj.
