Barcelona dhe Real Madrid ndodhen tashmë në një rivalitet tjetër, këtë herë për të marrë në radhët e tyre sulmuesin e Interit, Lautaro Martinez.
Dy gjigantët spanjoll duket se janë të gatshëm të paguajnë shifrën e kërkuar që të sigurojnë shërbimet e 22-vjeçarit.
Martinez ka qenë një nga lojtarët kryesor të sukseseve të zikaltërve, me të cilët ka shënuar plot 16 gola në 28 ndeshje, duke u shndërruar kështu në një prej emrave kryesor të suksesit të klubit italian.
Kjo gjë ka rënë së sytë e Barcelonës, e cila ndodhet tashmë pa një sulmues pasi një nga emrat kryesor të kataluansve, Luis Suarez është i dëmtuar dhe do mungojë për plot 6 muaj, duke e mbyllur këtë sezon i dëmtuar.
Për këtë arsye ekipi spanjoll është duke kërkuar për një zëvendësues të tij raportojnë mediet spanjolle.
“Mundodeportivo” raporton se Barça ka bllokuar lojtarin e Interit, Lautaro Martinez për sezonin e ri dhe do të paguajë klauzolën e tij prej 111 milionë euro vetëm që sulmuesi të transferohet në “Camp Nou”.
Ndër të tjera mësohet se drejtuesit e Barcelonës janë takuar plot 3 herë me lojtarin dhe janë të gatshëm që në verë të paguajnë shifrën e madhe. Kjo gjë e bën të paevitueshëm largimin e tij nga zikaltërit e Serisë A./Fjala.al/Katerina Tafa/
