Operacioni “Forca e Ligjit”ka bllokuar dy makina të blinduara në qytetin e Vlorës, që janë në pronësi të Eduart Xhezos dhe Shpati Lenas ose siç njihet ndryshe si Çelik Lena.
Bllokimet janë bërë gjatë ditës së djeshme, pasi këta dy persona akuzohen nga prokuroria për vrasjen e Arben Beqirajt, ose siç njihet ndryshe në Vlorë “Beni i Çeçesë”.
Bllokimi i automjeteve që u bë ditën e djeshme prite që të dërgohet për referim në prokurorinë e këtij qyteti. Xhezo, është njëri të akuzuar kryesor nga prokuroria për ekzekutimin e Arben Beqirajt. Po ashtu për këtë rast është shpallur në kërkim edhe Çelik Lena.
Rikujtojmë që vrasja e Beqiraj u bë në muajin Gusht 2019, në plazhin e Vlorës. Ky ekzekutim mendohet të ketë si motiv një konflikt mes Arben Beqirajt dhe mbajtësit të kalit, të Eduard Xhezos. Aktualisht Xhezo është arrestuar dhe dërguar në gjykatë si i pandehur për akuzën e “Vrasjes me dashje”./Fjala.al/
