Presidenti Ilir Meta ka vizituar në spitalin e Traumës 16-vjeçaren që i mbijetoi tragjedisë në fshatin Ostren të Bulqizës.
Meta tha për mediat se gjendja e 16-vjeçares është e qëndrueshme, ndërsa shprehur edhe njëherë ngushëllimet për ngjarjen e rëndë.
“Për fat të mirë gjendja e Meritës, vajzës nga Bulqiza, është e mirë dhe e qëndrueshme, dhe mjekët po bëjnë një punë shumë të mirë për ta mbajtur jashtë çdo rreziku. Ashtu sikurse dimë që ka ndodhur një dramë shumë e madhe në familjen e saj. Me këtë rast dua të shpreh edhe njëherë ngushëllimet më të thella, për familjen Tola dhe të gjithë komunitetin e Bulqizës. Dhe të sigurojmë që do të jemi gjithmonë pranë tyre për të kaluar këtë dhimbje të jashtëzakonshme dhe të pakundërshtueshme”, u shpreh Meta.
Si pasojë e rrjedhjes së gazit në banesë, humbën jetën nga asfiksia Rajmonda Tola, 40 vjeçe, së bashku me djalin Fatjonin, 16 vjeç dhe vajzën e madhe Rudinën, 22 vjeçe.
16-vjeçarja Merita Tola ndodhet nën kujdesin e mjekëve në Tiranë, ndërsa kryefamiljari Ylber Tola ndodhej në Greqi.
