Nga tragjedia e ndodhur në fshatin Ostren të Madh të Bulqizës raportohet se kanë humbur jetën nëna me iniciale R.Tolaj, dhe dy fëmijët e saj, 13 dhe 22 vjeç, ndërkohë që vajza tjetër e familjes ka mbetur e plagosur rëndë.
Vdekja e tre anëtarëve të një familjeje raportohet se ka ardhur nga një bombol gazi, por deri më tani nuk ka informacion të saktë nëse bombola ka shpërthyer apo viktimat janë helmuar nga rrjedhja e gazit.
E plagosura ndodhet në gjëndje të rëndë dhe është transportuar me helikopter në një prej spitaleve të Maqedonisë së Veriut.
Forca të shumta policie dhe të ambulancës kanë mbërritur në vendin e ngjarjes.
Njoftimi i policisë
Në Ostren, Bulqizë, është marrë informacion se në banesë janë gjetur pa shenja jete shtetasja R.T, rreth 40 vjeçe, dhe dy fëmijët e saj (vajza dhe djali), që dyshohet se janë helmuar nga bombola gazit.
Në gjendje të rëndë shëndetësore është dhe një pjestar tjetër i familjes ku po transportohet për në spital.
Grupi hetimor ka shkuar në vendngjarje dhe vijon hetimet për zbardhjen e ngjarjes”.
Vijon…