Pas Ferrarit edhe Mercedes ka prezantuar makinën e re për Botërorin e 2020-ës së Formula 1. Lewis Hamilton së bashku me Valtteri Bottas zbuluan njëvendëshen, që do të garojnë në këtë kampionat, për të ruajtur titullin kampion.
Vitet e fundit dominimi i pistave të Formula 1 ka qenë i gjithi nga Mercedes, e cila kërkon që të bëjë të njëjtën gjë edhe ne Botërorin e 2020-ës.
Njëvendshja e re “W11”, me të cilën do garohet në këtë kampionat ka pësuar një sërë ndryshimesh si në motor ashtu edhe në aerodinamikë, për t’i dhënë më shumë forcë dhe shpejtësi pilotëve të saj. Kampioni gjashtë herë i botës Lewis Hamilton dhe Valtteri Bottas janë shfaqur shumë entuziast, teksa i kanë dërguar sinjale të rëndësishme të gjithë rivalëve./Fjala.al
