Jose Mourinho është një nga personat më pa komplekse në botën e futbollit dhe gjithmonë flet ato që i mendon pa u kufizuar. Madje ai nuk pyet se kë ka përpara lojtarë, kolegë apo gazetarë.
Së fundmi ish mbrojtësi i Chelsea-s Kurt Zouma ka thënë se në një mbledhje kokë më kokë e realizuar si kërkesës së trajnerit pas humbjes 3-1 në transfertë para disa viteve portugezi i ka thënë diçka që nuk e priste.
“Murinjo më thërret në zyrën e tij dhe më pyet: ‘Kurt, gjithçka OK’? Dhe unë që i përgjigjem: ‘Po’. Ndërsa ai vazhdon sërish: ‘Po të pyes gjithçka OK?’ Dhe unë sërish: ‘Po, gjithçka OK trajner’. Ndërsa në fund më bëri të ngrij i tëri: ‘Po të pyes gjithçka OK, sepse dje më bëre për të vjellë’. Mbeta pa fjalë, por pas atij diskutimi brenda meje ndjeva një dëshirë për t’i treguar se do ta fitoja sërish besimin e tij”-tha në një intervistë për mediat angleze Zouma./Fjala.al/
