Të tjera dëshmi janë zbuluar nga tragjedia e ndodhur të premten në fshatin Ostren të Bulqizës, ku mbetën të vdekur nëna me dy fëmijët.
Vëllai i Rajmondës, i cili në një dëshmi për ‘News24’ tha se qenë person i parë i cili ka hyrë në banesë dhe ka gjetur të pajetë motrën e tij me mbesën dhe nipin.
Sipas tij vdekja e motrës së tij me dy fëmijët nuk ka ardhur si pasojë e rrjedhjes së bombolës së gazit pasi në dhomë nuk kishte një të tillë. Dyshimet i tij është helmimi nga ushqimi.
“Nuk ka qenë nga gazi, as mangalli dhe as nga ngrohja elektrike. Një bombol 5 litërshe ka qenë jashtë banese kur kemi shkuar. Nuk ka qenë rrjedhje gazi. Kanë ndërruar jetë rreth orës 22:00-23:00 të së enjtes dhe kemi gjetur supë në një pjatë dhe e kemi dërguar për t’i bërë analizat”.
Daja i fëmijëve tha se i ka dërguar trupat e tyre në spitalin e Dibrës për analizat dhe se pret hetimet e policisë.
“Unë kam këmbëngulur si dajë, i kam dërguar nga spitali i Bulqizës në të Dibrës dhe kërkoj të bëhen analizat në mënyrë të hollësishme. Hedhim poshtë deklaratat e deritanishme për rrjedhje e gazi e çfarë ka dalë” Fjala.al
