Një 40 vjeçar ka rënë nga skela dhe është plagosur. 40 vjeçari me inicialet R. D është transportuar menjëherë për në spital për të marrë ndihmën mjekësore. Ngjarja ka ndodhur në Kamës sot rreth mesditës.
Policia bën të ditur se rreth orës 11:30, në rrugën ” O.S.B.E , në Kamëz” , shtetasi me inicialet R.D, 40 vjeç, duke punuar në banesën e shtetasit R.M , aksidentalisht ka rënë nga lartësia dhe është transportuar menjëherë në spital ku ndodhet në kujdesin e mjekëve. Pasi ka marrë njoftimin uniformat blu kanë shkuar në vendin e ngjarjes dhe një grup hetimor ka nisur punën për zbardhjen e rrethanave të aksindit.
Ngjarja rikthen edhe një herë në vëmendjen faktin se në një pjesë të konsiderueshme të rasteve kur punohet për rikonstruksionin e ndërtimeve nuk zbatohen kushtet e sigurisë në punë.
