Administratori i Vllaznisë, Suad Lici ka reaguar pas eksplozivit që i vendosën poshtë makinës ditën e sotme.
Ai u shpreh për mediat se nuk kishte asnjë problem me askënd, edhe pse dyshon se mund të lidhet me detyrën e tij. Ndërsa ka shpjeguar se ai merret vetëm me mbarëvajtjen e formacionit dhe se ai zbaton direktivat e drejtuesve të klubit.
“Ndoshta lidhet edhe me detyrën time. Le t’ua lëmë organeve kompetente. Nuk jam unë kompetenti. Nuk kam asnjë lloj problematike. Unë jam njeri i lirë dhe do të vazhdoj të jem njeri i lirë. Nuk kam pasur problematika. Unë jam personi përgjegjës për mbarëvajtjen e formacionit. Unë kam qenë i detyruar të zbatoj vendimet e drejtuesve”, ka thënë Lici.
I pyetur nga gazetarët, nëse ky është një lloj presioni që ai të largohet nga administrimi i klubit “Vllaznia”, Lici është shprehur se “do të vazhdoj detyrën. Pa folur organet kompetente nuk kemi pse i vëmë një etiketë. Nëse është një marrëdhënie me sportin, mendoj që strukturat kriminale të qëndrojnë larg sportit. Absolutisht nuk më tremb kjo ngjarje. Në Shkodër më kanë çdo ditë”
