Presidentja e Komisioni Evropian Ursula von der Leyen shprehet se është ende e emocionuar për kontributin dhe solidaritetin që treguan 100 vende të ndryshme të botës për të ndihmuar Shqipërinë me 1.15 miliardë dollarë pas tërmetit shkatërrimtar.
Ursula von der Leyen ka publikuar në rrjetet sociale një video ku tregon gjithçka ndodhi sot në Konferencën e Donatorëve, e organizuar në Bruksel nga Komisioni Evropian ku u mblodhën 1.15 miliardë euro për t’u ardhur në ndihmë zonave të prekur nga tërmeti i 26 nëntorit të vitit 2019 në Shqipëri. “1,15 miliardë €! Unë jam akoma e emocionuar për solidaritetin që komuniteti ndërkombëtar me Shqipërinë”, shkruan Presidentja e KE-së.
Përtej çdo parashikimi, në Konferencën e Donatorëve u arrit të mblidheshin 1.15 miliard euro për zonat e dëmtuara në Shqipëri nga tërmeti i 26 nëntorit. Në këtë konferencë ishte Franca shteti i Bashkimit Evropian që vendosi rekordin sa i përket donacionit të dhënë për vendin tonë, me plot 100 milionë euro. Kjo shifër u tejkalua vetëm nga Bashkimi Evropian, që dhuroi 115 milionë euro.
Italia njoftoi se do të vendosë në dispozicion të Shqipërisë 65 milionë euro, ndërsa Gjermania dha 11 milionë euro. Luksemburgu ishte shteti i BE-së që dhuroi shifrën më simbolike, me 150 mijë euro.
Sa i përket shteteve të tjera në Evropë, jo anëtare të BE-së, ishte Turqia që vendosi rekordin me 46 milionë euro, e ndjekur nga Zvicra me 9 milionë euro.
Në Ballkanin Perëndimor, Serbia dhuroi 2 milionë euro për Shqipërinë.
Fjala.al ka përpunuar një hartë me shtetet e BE-së dhe të Evropës që kontribuan për vendin tonë në këtë konferencë.
-Sheikët e Emirateve dhe të Katarit bëjnë me dije shifrat, sa i dhurojnë Shqipërisë
Lista
Bashkimi Evropian: 115 milionë euro
Shtetet anëtare
Franca: 100 milionë euro
Italia: 65 milionë euro
Gjermania: 11 milionë euro
Suedia: 5.6 milionë euro
Holanda: 3 milionë euro
Polonia: 2.7 milionë euro
Danimarka: 2.7 milionë euro
Greqia: 2.5 milionë euro
Rumania: 2 milionë euro
Austria: 1 milion euro
Kroacia: 1 milion euro
Hungaria: 750 mijë euro
Çekia: 380 mijë euro
Sllovenia: 300 mijë euro
Finlanda: 300 mijë euro
Spanja: 225 mijë euro
Bullgaria: 220 mijë euro
Sllovakia: 200 mijë euro
Luksemburgu: 150 mijë euro
Shtetet e tjera
Turqia: 46 milionë euro
Zvicra: 9 milionë euro
Serbia: 2 milionë euro
Norvegjia: 5 milionë krone
Mbretëria e Bashkuar: 1 milion paund
Mali i Zi: 750 mijë euro
Kosova: 500+200= 700 mijë euro
Bosnje-Hercegovina: 100 mijë marka
Lihtenshtajni: 50 mijë euro
