Mania për të bërë foton perfekte shpesh i shtyn njerëzit të ndërmarrin veprime shumë të guximshme. Kjo ka ndodhur edhe me një vajzë e cila është ngjitur rreth 915 metra mbi një shkëmb në tentativë për të kapur foton perfekte.
Vajza emri i të cilës nuk është bërë i ditur ishte ulur në shkëmbinjtë e Pedra da Gávea në Rio De Janerio, Brazil dhe poshtë këmbëve të saj ishte e gjitha një humnerë. Personi që ka xhiruar videon e kthen kameran edhe poshtë ku duket qyteti dhe pallatet si ‘miza’ të vogla. Videoja, e publikuar dje, ka pasur më shumë se 114,000 pëlqime edhe pse jo shumë njerëz menduan se ishte një ide e mirë.
Rikujtojmë se shumë njerëz kanë humbur jetën duke rënë nga lartasi shumë të mëdha në përpjekje e sipër për “selfie-n” perfekte. Mund ta gjykoni ju a ia vlen apo jo të humbësh jetën për të kapur foton ideale për rrjete sociale.
