Duket se skuadra e Dinamos është përfshirë në një sërë telashesh, ku i fundit mësohet të jetë largimi i 3 futbollistëve. Rrezikimi për të rënë nga Kategoria e Dytë, duket se nuk është shqetësim i vetëm i klubit kryeqytetas.
Mësohet se kapiteni Erxhan Muça, mesfushori Jetmir Sefa si dhe mbrojtësi 22-vjeçar Kujtim Alcani janë larguar nga klubi.
Arsyeja pse ka ndodhur ky largim mësohet të jetë bërë mos shlyerja e rrogave. Sipas Sefës ata kanë kërkuar të marrin 2 rroga, por kjo kërkesë nuk u është plotësuar raporton panorama.al.
Lojtarët u futën pa fanella në fushë dhe administratori Pontreli ka komunikuar vendimin e tyre dhe më pas 3 futbollistët janë larguar nga kompleksi stërvitor në Pezë-Helmes./Fjala.al/
