Ilir Meta i është përgjigjur qëndrimit të disa minutave më parë të kryeministrit Rama, ku rai ironizoi se ku e ka popullin Meta, mos e ka në ëhatsapp? Kreu i shtetit përmes zëdhënësit të tij Tedi Blushi ka shkuar në rrjetet sociale se “Gruaja e Bilalit do takohet shumë shpejt me popullin!”.
Ndërkaq mbërmjen e sotme, i pyetur nga analistët në studion e emisionit ‘Real Story’, se si do të zgjidhet kriza me presidentin për iniciativën e Kuvendit për shkarkimin e tij dhe reagimin e kreut të shtetit Rama u përgjigj se nga Meta ai pret gjithçka.
“Kundërsulm është term sportiv dhe ushtarak. Fallxhoret i ka Presidenti dhe unë nuk hedh fall. Nuk kam asnjë surprizë dhe nga Presidenti pres gjithçka edhe sikur të deklarojë mbylljen e gjithë kufijve. Më i mirë i mundshëm edhe në ato kushte ishte për opozitën, por për Shqipërinë jo.”, u shpreh Rama.
Debati me analistët:
Lela: Do e shkarkoni Presidentin apo do iu shkarkojë ai juve?
Rama: Kundërsulm është term sportiv, ushtarak.
Lela: Presidenti ka thënë se Parlamenti do vetëshpërndahet?
Rama: Fallxhorët i ka Presidenti, unë nuk hedh fall. Nuk kam asnjë surprizë, nga Presidenti pres gjithçka, nuk çuditem fare. Edhe sikur të deklarojë mbylljen e gjithë kufijve.
Gjekmarkaj: Është më i miri…
Rama: Më i miri i mundshëm për opozitën, për Shqipërinë jo fatkeqësisht.
Balla: Parlamentin e shpërndan populli, thotë Meta..
Rama: Ku e ka popullin ky, në Ëhatsapp? Tani të lutem, është shumë më i rëndësishëm Zaho dhe ditëlindja e vajzës, sesa kjo temë.
