Tërmeti i 26 nëntorit të vitit të kaluar që goditi qytetin e Durrësit përpos viktimave la edhe shumë njerëz pa shtëpi. Një prej tyre është edhe aktorja Keti Bashhysa. Ajo ka treguar përjetimet e tërmetit. Ndërsa u shpreh se ajo u lëndua jo vetëm psikologjikisht, por mbeti edhe pa shtëpi.
“Unë kam përjetuar një gjë shumë të tmerrshme. I lutesha Zotit, e dija që do vdisja, por lutesha mos më dhembi shumë, mos ta ndjeja. Ishte e tmerrshme shtëpia është shkatërruar, është e pabanueshme. Kisha tre muaj që isha futur. E doja shumë atë shtëpi, prisja me padurim të mblidhja lekët që të blija diçka të re, por s’ishte e thënë”, tregoi Bashhysa në emisionin ‘Ftesë në 5’ në Top Channel.
Aktualisht aktorja po jeton në një banesë me qira, edhe pse po bën çmos që institucionet përkatëse ta rimbursojnë për gjithë dëmin e shkaktuar.
