Ekspertja e ekonomisë, Zana Guxholli, tha se nëse Shqipëria merr 800 milionë eurot e kredisë që janë ofruar në Konferencën e Donatorëve, atëherë ekonomia shqiptare hidhet në erë.
“Kredia 800 milionë euro, është se ne kemi një gotë me ujë, dhe kaq është kapaciteti, Sepse çdo vend ka një kapacitet të caktuar madhësie borxhi. Dhe t’i nuk mund të më japësh një fuçi të tërë, kur duhet vetëm një gotë. Ku do ta çosh ujin e të gjithë fuçisë?
Jo të gjithë kredinë ne do ta marrim, se po morëm gjithë kredinë, ne hodhën në erë ekonominë shqiptare. Nëse ne do ta marrim, ky është shkatërrim i ekonomisë shqiptare.
Bankat kanë thënë se kjo është shuma që jemi të gatshëm për t’i dhënë, për t’i marrë ka 100 procedura të tjera derisa ato të mbërrijnë”, tha Zana Guxholli në emisionin “Arena”.
