Gjykata e Shkallës së Parë në Shkodër pas dërgimit të çështjes së grupit Bajri në Shkodër ka vendosur masën e sigurisë në një seancë për rikonfirmim për të dyshuarit.
Grupit Bajri mbetët në burg. Këtë vendim mori sot Gjykata e Shkallës së Parë në Shkodër.
Seanca e sotme është zhvilluar me dyer të mbyllura dhe nën masa të rrepta sigurie.
Trupi gjykues i çështjes vendosi “arrest me burg” për shtetasit Ilir Bajri, Safet Bajri, Behar Bajri, Astmer Bilali, Sirjan Aliaj dhe Emrah Plaku.
Ndërkohë, gjykata dha masën e sigurisë “arrest në shtëpi” për shtetasen Jonida Murati. Gjykata vendosi “detyrim paraqitje” për mjekun Senad Hallunaj, kryeinfermieren në spitalin e Shkodrës Florine Hoxha dhe financieren Mira Nikaj.
32-vjeçarja Jonida Murati, ishte e punësuar fiktivisht si infermiere në Spitalin Rajonal të Shkodrës.
