Duke iu referuar Konferencës së Donatorëve dhe akordimi i shumës 1.15 miliardë dollarësh, inxhinieri Arben Meçe tregoi se raporti i rivlerësimit të dëmeve nga tërmeti është hartuar nga ekspertë nga disa palë. Meçe u shpreh se nga të gjitha nevojat për rindërtimin, rreth 802 milionë euro do të duhet të përdoren për strehimin.
“Raporti në Konferencën e Donatorëve ka qenë i profilit të lartë. Pati komunikim midis ekspertëve të shtetit shqiptar, të BB, OKB dhe BE.
Arsyeja është e lidhur me faktin se metodika e çertefikimit të dëmit ishte elektronike. Kishte ekspertë nga vendet që tashmë janë donatore.
Të gjithë këta faktorë u mblodhën në një metodikë që nuk ishte shqiptare. Në këtë raport nuk ka asnjë të dhënë që flitet për 400 milionë euro për rikuperim dhe pjesa tjetër për zhvillim. Është “Bibël” kjo, sepse me këtë raport ka filluar puna.
Dua të jap një shifër, vetëm strehimi është 802 milionë euro”, tha inxhinieri Arben Meçe në studion e emisionit “Arena”.
