Në kohën që kompanitë e telefonisë celulare rrisnin tarifat për paketat e telefonisë celulare, më pas të detyruara nga Autoritetit i Konkurrencës i pezullojnë rritjen deri në përfundim të hetimeve Autoriteti i Komunikimeve Elektronike dhe Postare vetëm analizon tarifat.
Në raportin “Tarifat e shërbimit nga rrjete celulare në Shqipëri” të publikuar gjatë këtij muaji AKEP thotë se qëllimi dokumentit është publikimi i informacionit për konsumatorët, për të pasur mundësi krahasimi të tarifave të sipërmarrësve të shërbimit nga rrjetet celulare. Dokumenti përmban tarifat/planet kryesore të shërbimit te telefonisë celulare në datën referencë të vendosur në fillim të dokumentit.
“Duke qenë se tregu është aktiv dhe në këtë dokument informacioni është i përmbledhur, ndaj konsumatorëve iu këshillohet të drejtohen në faqet e internetit, pikave të shitjes ose kujdesit të klientit përpara se të bëjnë zgjedhjen e tyre. Paraqitja e subjekteve në këtë dokument është bërë sipas rendit alfabetik”-thuhet në dokumentin e AKEP.
Autoriteti i Komunikimeve Elektronike dhe Postare (AKEP) ka publikuar në faqen e internetit informacionin mbi tarifat e sipërmarrësve të rrjetet celulare për të mundësuar krahasimin mes tyre në shërbim të pajtimtarëve/ konsumatorëve. Dokumenti përmban tarifat/planet kryesore të shërbimit te telefonisë celulare përkundrejt datës referencë të vendosur në fillim të dokumentit.
Duke qenë se tregu është aktiv dhe në këtë dokument informacioni është i përmbledhur, konsumatorëve ju këshillohet të konsultojnë edhe të dhënat në faqet e internetit të sipërmarrësve, në pikat e shitjes ose kujdesit të klientit të operatorëve celularë, në mënyrë që asistohen sa më mirë në zgjedhjet e tyre.
