Dagmar Turner, violiniste në Orkestrën Simfonike Isle of Wight luajti me violinën e saj gjatë një operacioni në tru. Kirurgët i kërkuan 52-vjeçares që të luaj me violin gjatë operacionit në mënyrë që aftësitë e saj muzikore mos të dëmtoheshin gjatë heqjes së tumorit.
Tumori në lobin e saj frontal të djathtë, ishte me rrezik afër zonave të trurit të saj që ishin përgjegjëse për koordinimin e lëvizjeve delikate në dorën e saj të majtë. Këto rajone ishin vendimtare për të luajtur me violinë distanca e tyre nga tumori ishte aq e ngushtë sa një kartë krediti.
Dr Keyoumars Ashkan neurokirurgu i Turner erdhi me këtë zgjidhje kreative. “Ne kryejmë rreth 400 operacione të heqjes së tumorit çdo vit, por kjo ishte hera e parë që unë kam pasur një pacient të luaj një instrument gjatë operacionit”, tha ai .
Para procedurës, një ekip ekspertësh mjekësorë kaloi dy orë në hartën e trurit të Turner për të kuptuar se cilat zona ishin aktive kur ajo luante violinë. Mjekët arritën të heqin me sukses mbi 90% të tumorit pa dëmtuar aftësitë e shkëlqyera motorike të Turner.
