Ish-deputeti i Partisë Demokratike Klevis Balliu u shpreh skeptik sa i përket menaxhimit të fondeve për rindërtimin. Ai tregoi se qeveria është akuzuar për abuzim me tenderat dhe paratë publike.
“Unë jam skeptik për një arsye shumë të thjesht; ne e dimë që qeveria ka mbledhur shumë fonde, nga Elvis Naçi, Fundjavë Ndryshe, ato para që u morën nga administrata dhe kanë qenë dhjetëra miliona euro dhe ato janë në drejtim të paditur.
Kush do na e shpjegojë pak se çfarë është bërë me këto para? Duke parë dhe rezymenë e kësaj qeverie, me tenderat korruptivë, me PPP-të, dhe shumë të tjera.
Është në natyrën e kësaj qeverie që të vjedhë. Një nga arkitektët e vjedhjes së kësaj qeverie ka qenë Arben Ahmetaj. T`i japësh Ministrinë e Rindërtimit Arben Ahmetaj është si “ti varësh mëlçitë në qafë”, tha Balliu në studion e emisionit “360 Gradë”.
