“Fitore si e Pirros”, e cilësoi juristi Genc Gjokutaj, marrjen e 1.15 miliard eurove nga ana e qeverisë shqiptare për rindërtimin pas shkatërrimeve që solli tërmeti i 26 nëntorit.
“Sa është raporti i dhuratës me kredinë? Se kredia nuk është sukses. Se këto do paguhen nga shqiptarët. Ka limit me ligji, dhe ligji nuk të lejon të marrësh më shumë kredi se ke marrë deri tani.
A është dëmi efektiv dhe sa ka nevojë për t`u rikuperuar kjo punë? Këto lekë që janë marrë, sa e besueshme është që do lëvrohen?
Për shkak të borxhit të jashtëm janë bllokuar kush e disa projekte në Shqipëri. Kjo punë mund të zgjidhej duke marrë kredi tek bankat vendase, duke i dhënë mundësi dhe tregut vendas.
Këtu dhurata po ngatërrohet me kredinë. Nuk ka takat shteti ynë të lajë këto kredi”, tha Gjokutaj në emisionin “360gradë”.
