Jose Luis nga Calatayud, vdiq në shkurt të 2015-ës në moshën 45-vjeçe. Familja e tij e varrosi trupin e të ndjerit pa ceremoni mortore dhe kjo ngriti dyshime tek miqtë e viktimës se ai nuk kishte vdekur vërtetë.
Me kalimin e kohës, miqtë e Jose Luis vazhdonin të krijonin hipoteza se ai ishte gjallë, madje arritën deri në atë pikë sa besonin se e kishin parë teksa kalonte i qetë në Zaragoza.
Carlosi, mik i të ndjerit, i vendosur se Jose Luis ishte gjallë shkon në varrezat një natë për të vërtetuar teoritë e tija dhe fotografon çfarë ndodhej brenda varrit. Të nesërmen roja i varrezave gjeti gurin e varrit të thyer dhe me idenë se mund të ishte thyer nga era, e ndërruan atë me një të ri.
E vërteta u zbulua disa javë pas ngjarjes nga një mik tjetër të cilit i ishin dërguar fotot nga Carlos. Ai u rrëfeu familjarëve të të ndjerit se çfarë kishte ndodhur.
Familjarët pasi morën veshë të vërtetën e denoncuan Carlosin dhe këtë të enjte u mbajt seanca e parë gjyqësore./Fjala.al
