Fillimi i vitit 2020 rezultoi të ishte më i keqi në historinë e Barcelonës, ku skandalet dhe përplasjet brenda klubit nuk paskan të mbaruar.
Skandali i bërë publik së fundmi ku theksohet se presidenti i Barçës, Josep Maria Bartomeu ka paguar “I3 Venture” për të sulmuar dhe prishur imazhin e yjeve të skuadrës ka pushtuar mediat në çdo cep të botës.
Madje u shtua se janë dhënë plot 1 milionë euro për të bërë lajme negative për lojtarët dhe kundërshtarët e Bartomeut. Megjithatë këto akuza janë mohuar nga përfaqësuesit e kreut të Braçës, i cili zhvilloi dhe një mbledhje për të sqaruar skuadrën.
Pas asaj mbledhje ka ardhur edhe dorëheqja e parë, duket se drejtoresha financiare Monserat Font nda 1 marsi nuk do të jetë më në krye të financave të skuadrës katalanase. Ajo ishte përgjegjësja që kishte firmosur kontratën me “I3 Ventures”
Font ishte pjesë e katalanasve që prej 2005-ës dhe largimi i saj i shtyn akoma më shumë dyshimet, që situata te Barça është bërë e pakontrollueshme.
Presioni dhe problemet shtohen akoma më shumë për skuadrën në këtë fazë të sezonit, ku tani do të luhen ndeshjet delikate si ndaj Realit të Madridit në kampionat dhe Napolit në Champions League./Fjala.al/
