Reagimi i një vogëlushi në Australi pas ngacmimit që i është bërë në shkollë ka prekur të gjithë botën e rrjetit.
Në videon e publikuar në media, shfaqet vogëlushi i cili i lutet nënës së tij që t’i japë një litar për të varë veten, pas ngacmimeve që ka marrë në shkollë për gjatësinë e tij.
Ndërkaq, australianët dhe yjet e sportit kanë dërguar mesazhe mbështetjeje për 9 vjeçarin.
Nëna e tij, Yarraka Bayles nga Brisbane i Australisë, filmoi djalin e saj Quaden duke qarë në makinë, të cilin sapo e kishte marrë atë nga shkolla këtë të mërkurë.
Djali i cili vuan nga achondroplasia, pasi është shtatshkurtër i lutet nënës së tij: ‘Më jep një litar, unë dua ta vras veten. Dua ta godas veten me thikë me zemër … Dua që dikush të më vrasë”.
Që pas shpërndarjes së videos, nëna e djalit të vogël, Bayles është përmbytur me mesazhe mbështetjeje nga të huaj, duke përfshirë edhe fëmijët e tjerë.
Madje një grup sportistësh të një ekipi australian kanë kontaktuar familjen, duke e ftuar Quaden t’u bashkohet atyre që të dalin në fushë këtë të shtunë, në fundjavë./Fjala.al/
