Një hartë politike e periudhës së Luftës së Parë Botërore ka dalë në dritë e skicuar nga amerikanët në vitin 1916, e cila tregon se si SHBA e shihte Ballkanin si një nga pikat kryesore të përplasjes botërore prej edhe nga nisi kjo luftë.
Historiani Armand Plaka sjell për publikun shqiptar një hartë politike që sipas diçiturës hasej shpesh në arkivat amerikane, në shtypin amerikan dhe atë të huaj në kulmin e Luftës së Parë Botërore, në një kohë kur fatet e luftës akoma nuk ishin vendosur.
“Komenti ose pyetja që e shoqëronte hartën ishte: A do jetë Ballkani skena ku do të luhet beteja përfundimtare që do të vendosë dhe fatet e Luftës Mbarëbotërore? Harta, e cila u botua për herë të parë në gazetat njujorkeze më 30 shtator 1916, vijoi të përdorej gjerësisht nga shtypi edhe 10 vite të tjerë, deri në vitin 1926”, shkruan historiani Armand Plaka.
