Koronavirusi, virologu Pregliasco: “Për ta ndaluar, nuk duhet të kesh frikë edhe nga veprimet brutale”
Frika për ekspertin është se, një përhapje e madhe, masive “do të bllokonte vendin”. “Nevojitet, – vazhdon Pregliasco, – përpjekje, madje mbinjerëzore, për të kufizuar madhësinë e problemit. Izolimi dhe identifikimi i subjekteve të infektuar do të jetë thelbësore, shpjegon ai.
Tani koronavirusi është vërtet i frikshëm. Edhe në Itali u regjistruan viktimat e para: është një 78- vjeçar nga Vo ‘Euganeo (Padova) dhe një 77-vjeçare nga Casalpusterlengo. Pak më parë lajmi për rastin e parë të konfirmuar ishte në Milano. Rajoni më i prekur është Lombardia dhe pak kohë më parë mbërriti dhe lajmi për rastin e parë të konfirmuar me virusin vdekjeprurës në Milano. Sipas raporteve nga guvernatori Attilio Fontana, në fakt, shpërthimi i Covid-19 është gjendet në zonën e ulët të Lodigiano-s. Por çfarë mund të ndodhë në orët e ardhshme? Kjo sigurisht është pyetja që shumica e italianëve bëjnë për vetveten. Sipas virologut Fabrizio Pregliasco “duhet të presim raste të tjera”, por tani “nevojitet një përpjekje, madje mbinjerëzore, për të kufizuar madhësinë e problemit, pra përhapjen e infeksionit dhe virusit”, tha eksperti për Huffingtonpost.
Pregliasco: “Të gatshëm gjithashtu për veprime brutale”
Themelore për virologun, studiues në Universitetin Shtetëror të Milanos, nuk është që “të biem në psikozë”. Situata që po zhvillohet në zonën e Lodigiano-s dhe në provincën e Padovës duhet të menaxhohet “si një zjarr, duke djegur tokën rreth zonës ku hapen flakët e zjarrit”. Pregliasco shpjegon se ” jemi në një fazë të dytë, të zbutjes, në të cilën duhet të përpiqemi të kufizojmë, të ngadalësojmë shpejtësinë e një përhapjeje, që megjithatë mund të provojë të jetë e gjerë”. Meqenëse përhapja e virusit aktualisht mbetet e kufizuar në një zonë të kufizuar gjeografike, është e nevojshme “një përpjekje, madje mbinjerëzore, për të kufizuar madhësinë e problemit, pra përhapjen e ngjitjes dhe virusit”. Virologologu është i bindur se duhet të priten raste të reja të infeksionit dhe “shpresoj pak vdekje, por unë përsëris se duhet të bëhet gjithçka për të lehtësuar përhapjen e virusit”.
“Nuk duhet të kemi frikë të jemi brutal, – vazhdon ai, – në masat që duhen marrë për të zbutur situatën. Ne përpiqemi të kemi sukses jo në eliminimin e rrezikut, por në zbulimin e sa më shumë rasteve të jetë e mundur. Virusi tashmë ka filluar të përhapet, tani duhet të veprojmë si në rastin e një zjarri, duke e djegur tokën rreth zonës ku bien flakët e zjarrit. Skenari i frikshëm është ai i gripit spanjoll të vitit 1918, kur një virus, i një lloji tjetër, por i ri siç është Covid-19, për nj kohë të shkurtër pati himbje të mëdha duke goditur 35 përqind të popullsisë italiane. Frika, në rastin e koronavirusit është gjithashtu se, përballë një rreziku të ulët specifik, mund të ndodhë një përhapje e madhe, masive, e cila do të bllokonte vendin”.
Thelbësor edhe izolimi
Profesori sqaron se izolimi dhe identifikimi i subjekteve të infektuara do të jetë thelbësore për të përmirësuar situatën. “Unë besoj, – saktëson ai, – se është absolutisht e nevojshme të zbatohet, për shembull, një karantinë e rreptë për ata njëqind, njëqind e pesëdhjetë njerëz që kanë pasur kontakte të ngushta me grupin e parë të njerëzve që janë infektuar në provincën e Lodigiano-s”.
Burimi: fanpage.it
Përgatiti për botim: L.Veizi
