Një bombël gazi ka shpërthyer këtë mëngjes në një shtëpi në fshatin Rramanli të Kumanovës, në Maqedoninë e Veriut. Shpërthimi ka shkatuar një zjarr të madh duke rënduar situatën, e për pasojë 3 persona kanë mbetur të vdekur, ndërsa 6 të tjerë janë plagosur.
Mediat vendase raportojnë se viktimat janë tre fëmijë: F.S 8 vjeç, S.S 9 vjeç dhe S.B 11 vjeçe.
Tre fëmijët ndërruan jetë në vend, ndërsa të plagosurit ndodhen në gjendje kritike për jetën. Pasi kanë marrë ndihmën e parë në spitalin e Kumanovës, ata janë transportuar me urgjencë drejt Shkupit.
Mjekët thonë se dy prej të plagosurve kanë djegie ne 90% të trupit, çka po i rrezikon atyre jetën. Edhe një grua shtatzënë ka mbetur e plagosur, por mësohet se ndodhet jashtë rrezikut për jetën. Në spital po merr mjekim edhe një fëmijë i moshës 10 vjeç.
