Lautaro Martinez duket se së shpejti nuk do jetë më pjesë e skuadrës së Interit, ndonëse ka pasur një sezon të shkëlqyer me 16 gola dhe 4 asistime në 30 ndeshje.
Dy skuadrat më të mëdha të La Ligës, Real Madrid dhe Barcelona e duan me çdo kusht atë, ndërsa Interi duket se ka pranuar shitjen e tij.
Sipas medieve italiane mësohet se drejtuesit e zikaltërve kanë rënë dakord për shitjen e argjentinasit, pasi ai vet dëshiron të kalojë në Spanjë. Megjithatë, Interi do ta lejoj largimin e tij vetëm nëse paguhet klauzola prej 111 milionë euro.
Për të zëvendësuar rolin e tij në skuadër, zikaltërit pritet që të marrin dy sulmues të tjerë dhe në listën e tyre deri më tani janë emrat e 4 lojtarëve.
Pierre Emerick Aubameyang dhe Anthony Martial dëshirohen shumë në Itali megjithatë vlera e tyre është shumë e lartë.
Në listën e trajnerit Antonio Conte janë edhe dy lojtarë që iu skadon kontrata në verë si Olivier Giroud dhe Dries Mertens.
Italianët po synojnë afrimin e njërit mes Martial dhe Aubameyang për një shumë që shkon në rreth 60 milionë euro si dhe të bindin njërin mes Giroud ose Mertens t’i bashkohen falas./Fjala.al/
