Ministrja e Shëndetësisë Ogerta Manastirliu ka qetësuar shqiptarët teksa thekson se në Shqipëri nuk asnjë rast me Coronavirus.
Ajo shpjegon se edhe 6 rastet e dyshuara kanë rezultuar negative, ndërsa shton se Shqipëria ka marrë masat e duhura në pikat kufitare për të parandaluar hyrjen e koronavirusit në vendin tonë.
Në një konferencë për shtyp në kuadër të ngritjes së task-forcës kundër Coronavirusit, Manasatirliu shpjegoi se në të gjitha pikat kufitare janë rritur masat e sigurisë.
Ministrja kërkoi gjithashtu nga gazetarët dhe qytetarët që të mos bien pre e lajmeve të rreme mbi Coronavirusin siç ndodhi ditën e djeshme.
“Ky është edhe një komunikim edhe me gazetarët vetë, për t’ju pasur bashkëpunëtorë për një situatë që kërkon përgjegjësi. Jemi përballuar dje me lajme të rreme. Menjëherë kemi informuar përmes MSH për pavërtetësinë e tyre.
Por si media duhet që qytetarët duhet të informohen nga informacionet zyrtare të shëndetit publik. Është shumë i rëndësishëm bashkëpunimi me ju.
Strukturat e shtetit janë në gatishmëri. Nuk duhet që paniku të në zërë arsyen dhe të na çojë në drejtime që nuk bazohen në fakte reale. Ne do të jemi të hapur.
Jam e hapur dhe transparente dhe për të përballuar me përgjegjësi këtë situatë, siç përballuam tërmetin. Shqipëria nuk ka asnjë rast të konfirmuar me Koronavirus në Shqipëri.
Në 6 raste të testuar nga ISHP kanë rezultuar negative. Për këtë arsye, them që Shqipëria nuk ka asnjë rast me Koronavirus. Kemi përforcuar masat në pikat kufitare, në aeroportin e Rinasit, portin e Durrësit, Vlorës dhe Sarandës.
Vetëm dje duke shtuar ekipet mjekësore kemi monitoruar më shumë se 4500 udhëtarë, të cilat kanë ardhur nga vendet, midis tyre Italia”, tha ministrja e Shëndetësisë.
