Italia ka konfirmuar viktimën e shtatë nga coronavirusi. Një fermer 60-vjeçar nga Albettone (Vicenza), i cili frekuentonte bare në Veneto, kishte qenë në Codogno dhe qendrat e tjera në zonën e Lombardisë e cila është dhe qendra e shpërthimit të virusit, raporton Corriere Della Sera.
Masat e aktivizuara nga autoritetet lokale për të përmirësuar epideminë përfshijnë mbi 50 mijë njerëz në karantinë, ndërkohë që në Lombardi janë mbyllur shkollat.
Epidemia e koronavirusit (Covid-19) që shpërtheu në Kinë në fund të vitit 2019, është përhapur në 28 shtete të tjera.
Italia është vendi i tretë në botë për nga numri i të infektuarve, pas Kinës, mbi 77 mijë dhe Koresë së Jugut , 763 persona: sipas statistikave të fundit, në vendin italian janë 230 raste të konstatuara, duke llogaritur personat që kanë humbur jetën dhe ata që ishin të infektuar, por që u shëruan./Fjala.al
