Pak ditë na ndajnë nga derbi Tirana-Partizani dhe duket se nga të dyja skuadrat po bëhem përgatitjet maksimale për të marrë fitore, por në ndryshim nga 5 vitet e fundit ky fitues ishte Partizani, tashmë duket se rrjedha ka ndryshuar.
Që prej humbjes së derbit të fundit me rezultatin 1-2, duket se “Demat”e kryeqytetit ndodhen në një fazë jo të mirë.
Ndërsa kundërshtarët e tyre nga ana tjetër ndodhen në moment kulminant dhe vijnë në këtë sfidë pas fitore 1-2 ndaj Kukësit, që deri në këtë moment ishin dhe kryesuesit e Kategorisë Superiore.
Megjithatë të dyja skuadrat e kryeqytetit po mobilizojnë të gjitha forcat për të qenë sa më në formë dhe me synimin e vetëm, fitoren e këtij takimi. Mirëpo duket se dy nga lojtarët më të mirë të të kuqve, Lorenc Trashi dhe Bruno Telushi janë duke i trembur paksa kampionët ende në fuqi të Shqipërisë.
Trashi pësoi një dëmtim të rëndë në sfidën kundër Bylis, një dëmtim në kokë që e detyroi të shtrohet në spital dhe që vë në dyshim prezencën e tij kundër Tiranës. Mungesa e tij do ishte një humbje e madhe për ekipin e Partizanit, por problemi shtohet edhe nga Telushi, i cili është futbollisti i momentit, por që edhe ndaj Bylis u aktivizua më shumë sforco, pasi dëmtimi i pësuar në kavilje nuk i lejon të jetë në 100% të formës së më të mirë.
Ndërsa i vetmi lajm i mirë është rikthimi i Eneo Bitrit, i cili në ndeshjen ndaj Bylisit shleu dënimin për shkak të kartonëve.
Kjo ndeshje është shumë e rëndësishme për Partizanin që të bëjë kthesën e nevojshme në këtë kampionat, i cili javët e fundit duket se ka marrë shumë për keq për të kuqtë./Fjala.al/Katerina Tafa/
