Presidenti Ilir Meta zbulon zyrtarët e tjerë të kallëzuar penalisht në SPAK së bashku me ministren e Drejtësisë Etilda Gjonaj.
Mësohet se dy emrat e zyrtarëve të tjerë që u kallëzuan të hënën nga Meta janë Gentian Deva, me detyrë Sekretar i Përgjithshëm i Ministrisë së Drejtësisë dhe Etleva Haxhia, me detyrë Drejtoreshë e Qendrës së Botimeve Zyrtare.
Dy të paditurat nga Presidenti akuzohen për “Shpërdorim të detyrës”, “Ushtrimi i ndikimit të paligjshëm ndaj personave që ushtrojnë funksione publike”, “Falsifikim i dokumenteve” dhe “Përvetësimi i titullit apo i detyrës shtetërore”, thuhet në ekstraktin e kallëzimit penal. Ndërkohë, Presidenti Meta i bëri thirrje qytetarëve që të bashkohen në tubimin e 2 marsit për të shkatërruar atë që ai e quan “tentativë për grusht shteti”.
Më herët gjatë fjalës së tij për mediat, përmendi vetëm emrin e ministres Etilda Gjonaj, por tha se janë dhe dy persona të tjerë, emrat e të cilave u bënë publike vetëm pak minuta më parë. /Fjala.al
