Ish-trajneri i Kombëtares Gianni De Biasi është rikthyer në Shqipëri, por këtë herë duket se ka ardhur me një mision tjetër.
Nga studio e emisionit “Procesi Sportiv” ai u shpreh me tone humori se nuk e grumbulloi Milot Rrashicën në Euro 2016, pasi nuk donte që të fitonte Europianin.
Tekniku italian ka folur edhe për kampionatin shqiptar, si dhe projektin e tij të ardhshëm në Durrës.
“Më intereson të kuptoj këtë rilindjen e Tiranës. Dua të shoh nëse është një projekt teknik apo rastësor. Të merrja Partizanin? Kur u largova nga Kombëtarja shkova në Spanjë dhe po synoj një tjetër lloj niveli. Erdha në Shqipëri pasi në verën e ardhshme kam ndërmend të hap diçka në Durrës, një akademi, atje ku stërvitja Kombëtaren.
Ndihem vërtet shumë mirë duke bërë këtë punën, megjithëse nuk mund të them që më jep të njëjtën kënaqësi si atëherë me Shqipërinë. Do të jetë një kamp sportiv dhe fëmijët duhet të jenë pjesë e saj. Nga mosha 6-16 vjeç mund të jenë pjesë që të marrin formimin e duhur.
Rashica? Duke qenë se nuk donim të fitonim Europianin, e lamë Rashicën në shtëpi. Atëherë ishte shumë i vogël dhe nuk ishte ky fenomeni që shikoni sot në Bundesligë”, -u shpreh ish trajneri i Kombëtares./Fjala.al/
